Doctors Novel : Chapter 6 “2nd Year of Brain Torture”

Doctors

By: Dyeppri

 

Chapter 6:

 

The greatest mistake in the treatment of diseases is that there are physicians for the body and physicians for the soul, although the two cannot be separated.  ~Plato

 

2nd Year of Brain Torture

 

Pinagbigyan ang mga estudyante na makauwi sa kanya-kanyang pamilya nitong  nakaraang kapaskuhan ng dalawang linggo. Tutal ay masama naman daw ang panahon dahil may paparating na bagyo sa gitnang Luzon kaya’t hinayaan na ni Professor Dean ang mga estudyante na ubusin ang natitirang araw sa labas ng paaralan at may mahalang lalakarin din ang guro sa ibang bansa.

 

“Anak yung mga baon mo at pinasasabi ng mommy ni Glenda na tumawag sa phone kanina, daanan mo na daw sa bahay nila ito para isabay mo na pagbalik sa San Pablo.” bilin ng ama

“Opo itay…mag-iingat po kayo dito!” sagot ni James

“Kamusta po ang Ama ni Ike? Mananalo po kaya siya Itay ulit sa pagka-alkalde.”

“Malamang anak kasi ngayon pa lamang ay pinaghahandaan na niya ito at ng mga kagrupo nya.”

“Iboboto nyo po ba siya?”

“OO naman kasi kilala na natin si Ike at madali tayong makakalapit sa munisipyo.”

“Sayang nga at baka sa katapusan na ulit ng taon ang balik namin dito sa Sariaya. Alis na po ako.”

 

Marami sa mga mag-aaral ay hatid ng kanya-kanyang mga magulang. Abot sa tenga ang mga ngite ng bawat isa at walang sisidlan ang kaligayahan ng mga sandaling iyon. Para bang inubos na ang maliligayang araw at bukas sa simula ng klase ay hindi na muling makakatawa.

 

Sunod-sunod ang naging pagsusulit ng mga mag-aaral upang mabawi daw ng mga ito araw na nasayang nila sa pagbabakasyon. Dapat sana ay hangang ala-singko lamang ang klase nila sa araw-araw ay umaabot pa ito ng hanggang alas otso. Puyatan na naman talaga ang lahat at hindi lamang ang mag-aaral kundi mga professor na din.

 

Ibat-ibang mga Doktor  ang nagsa-sideline sa paaralan ng San Pablo Medical Center sa pagtuturo. Kokonti lamang talaga ang permanente dito na kasama na si Professor Dean. Ang ilan sa kanila ay si Doktor Matias na Psychiatry Doctor. si Doktor Olivares ay isang Pathologist at si Doctor Agila ay isang Neurologist. Mapapansin sa lahat ng mga doktor na ito ay ang pagiging solo na sa buhay o talagang piniling hindi na mag-asawa. Marami ang nagtatanong kung bakit nga ba pero inisip na lamang nila na siguro nga sa kakulangan na ng oras sa sarili ay bakit pa magdadagdag pa ng iba.

 

“James saan ka pupunta eh madaling araw na ah!” tanong ni Glenda

“Masakit na itong Sacrum ko sa pagkakaupo at maglalakad-lakad muna ako sa pasilyo.” at tuluyan na itong lumabas sa kuwarto ng naghihilik na si Ike.

 

Apat na oras na nga naman sila sa pagkakaupo sa matigas na sahig ng kuwarto at nilatagan lamang ng carpet kayat nanakit na ang mga kasukasuhan nila. Nagtimpla ng kape at tinungo ang ibaba ng dormitoryo. Binaybay ni James ang pasilyo sa ibaba. Namataan siya ni Gng Solis na guwardiya nila at tinanong kung saan siya pupunta. Bawal na daw ang lumabas sa kanila. Sinabi lang ni James na magpapahangin siya dahil masakit na ang katawan niya sa lamig ng air-con at gusto niyang makalanghap ng sariwang hangin. Pagod na siya sa pagmememorya ng ibat-ibang kemikal at mga katangian ng mga iyon na ilang araw na niyang pinagpupyatan. Hirap daw siya sa medical-chemistry niyang subject. Wala namang naging pagtutol sa guwarduya. Mabait ito at naiintindihan ang nararamdaman ng estudyante.

 

“Gng. Solis sino po iyong naandon sa Swing?” di maaninag ni James kasi medyo madilim at para lamang itong isang anino na nag-uugoy duon

“Ah, si Miss Lazaro iyon.  Lapitan mo nga iho kasi simula ng bumalik kayo galing sa bakasyon ay ganyan na siya.” utos nito

“Sige po.”

 

Si Miss Lazaro o Jane Lazaro ay tahimik na estudyante at hindi nakikipag-usap kahit kanino kung wala rin lang dahilan kayat masasabing hindi ito marunong makipagkaibigan. Suplada nga daw ito at sayang dahil may itsura pa naman tsaka may brain din. Sabagay lahat naman sila ay may angkin na katalinuhan kaya nga at nakapasa sila sa napakahirap na entrance exam pero si Jane ay ang sumunod kay James sa list. Pang-lima ito.

 

Sa malayo nakatingin si Jane ng mga sandaling iyon na para bang pinagmamasdan ang madilim na kasukalan na patungo sa kagubatan. Umiiyak ito dahil na-aalala ang mga tagpo ng huli silang magkita ng Papa niya.

 

“Anong nangyayari sayo. Bakit mukhang napag-iiwanan ka Jane sa mg resulta ng exam mo?!”

“Kasi Papa masyado silang magagaling lahat.” paiyak na sabi ni Jane

“Huwag kang pumayag. Hindi ba ikaw ang parating number 1 simula pa kinder mo at bakit ganito na!”

“Opo Papa” sabay takbo sa loob ng kwarto

 

Nagitla si Jane ng may tumapik sa kanyang likod at si James ito.

 

“uy, ginulat mo naman ako James!” sabi ni Jane na namumugta pa ang mata sa pag-iyak

“umiiyak ka ba, ano problema?”

“wala ito”

“sige na, at kaibigan mo ako! ako naman talaga ang nilalapitan ng halos lahat dito eh… dahil alam nila na pagiging-psychiatrist ang gusto kong puntahan.”

“Ka—si James” iyak na ito “ a- – -ko yung number 6 na code!” hagulgol ito na nagtatakbo pabalik sa kuwarto.

“Sandali!” pinilit ni James na habulin ito ngunit sinabi na lamang niya sa sarili na bukas kakausapin niya ito.

 

Pag-sapit ng alas-diyes ay isang ambulansiya ang dumating sa paaralan. Binitbit ng apat na lalaki ang stretcher at nabablot doon  ang malamig na katawan ng isang dalagang uminom ng muriatic acid…. si Jane ito.

 

Marami sa mga estudyante ang nalungkot sa pagkamatay ng dalaga ngunit may ilan din ang parang wala lang. Balewala kung baga at sabi pa ay “matalino siya kaya lang may sayad pala!!!”.

 

Nanghihinayang si James dahil hindi niya natulungan ito. Sana ay hinabol niya hangang kuwarto at baka buhay pa ang bagong kaibigan… huli na siya. Naisip niya na gannon talaga ang doctor at hindi lahat ng tao ay kaya nitong iligtas…

 

itutuloy…

 

 

 

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: