Chapter 4 – Doctors Si Edgardo , Noel at Professor Dean

 

I. Edgardo

 

Isang malaking katanungan ay ang lihim na pagkatao ni Edgardo sa lahat ng mga nakakasama nito at basta ang alam lamang nila ay isa siyang matalinong tao. May ilan na din ang na-currious at naghangad alamin kung sino nga ba siya ngunit bigo ang mga ito. Pinagtanong-tanong nila at ang kanila lamang nalaman ay umu-upa ito sa maliit na kuwarto sa San Pablo. Dumating siya sa bayan na ‘yun ng 15 taong gulang pa lamang. Sabi ng ilan ay baka nasa abroad ang magulang nito at pinapadalhan na lamang ng pera sa pag-aaral. Kahit ang may-ari ng dormitoryo na malapit sa Santa Clara High school ay walang nalalaman sa kanya dahil tahimik itong tao. Kapag tinatanong naman ay tanong din ang isasagot nito na “bakit

 

 

Transferee siya sa Santa Clara High School at isang taon na lamang ay graduating na. Two times daw na accelerate itong si Edgardo sa dating school. Marami na din ang nagtanong kung ano itong pinangalingan niyang school pero ang sagot lamang nito ay “Bakit kelangan mo malaman ito?” Sinubukan na ding alamin ng ibang guro na maghalungkat ng files niya sa Principal’s office ngunit selyado ito at may nakalagay na confidential. Mayroon pa ngang babala na nakasulat duon sa isang sicker na “right to privacy: punishment is jail sentence”  at selyado ito ng city hall ng San Pablo. “Grabe” ang sabi ng  mga guro na nakakita noong document na iyon  at hindi na muling itinanong kung anong pinangalingan ng binatilyo.

 

 

Nakuha pa rin niya ang pagiging Valedictorian kahit isang taon na  lamang siya sa school ng Santa Clara. Paano ba naman ay lahat na lamang ng tanong sa test paper ay halos na perfect niya. Minsan nga ay pinagkatuwaan siya ng isang guro at sobrang hinirapan ang eksamin. Hinanap talaga ng guro na ‘yun ang mga tanong na hindi aakalaing masasagot ng estudyante at ang naging resulta, nabokya ang lahat ng mga estudyante na naging resulta ay pagrereklamo ng mga magulang. Muntik-muntikan pang ma-suspinde ang guro. Ngunit si Edgardo ay nakakuha pa rin ng markang 55.5%  o  26 ang tamang sagot out of 50.

 

 

Kumuha siya ng pagsusulit sa scholarship sa San Pablo Medical College at pumangalawa ito sa pangalang Glenda na may gradong 97.8% at siya naman ay 97.2% at pumangatlo sa kanya ay ang pangalang Noel na may 91.6% naman at ang pang apat aymay  pangalang James na mataas din ang nakuhang grade, 90%.

 

 

Ilang araw na lang at pasukan na naman ngunit mahigpit ang kompetensya ngayon. Sobrang higpit nga yata. Masdinib-dib ni Edgardo ang pag-aaral dahil sa unang pagkakataon ay pumangalawa lamang siya. Kung noon ay 5 o 6 na oras lamang ang itinutulog ni Edgardo sa gabi-gabi ay ngayon mas binawasan pa nito na naging 3 o 4 na oras na lamang.

 

 

II.   Noel

 

 

 

“Honey bilisan mo at baka ma-late ka sa examination mo!”

 

 

“Sige at aalis na ako… teka…. at pakiss muna sa baby ko…. tsssup… yung vitamins nya ha”

 

 

 

 

Si Noel ay 20 years old na at siya ang pinakamatanda sa kumuha ng pag-susulit. Noong una ay hindi ito pumasa sa kwalipikasyon kasi ay hindi daw pwe-pwede ang may pamilya na para sa scholarship ng Pre-Med Course tsaka sobra na ang edad nito ngunit may kung sinong kumausap sa pinaka- mataas na namumuno sa paaralan.

 

 

“Hindi naman kasalanan ng bata kung napa-aga siya ng pag-aasawa. Aksidente ang pagkabuntis ng GF nito at mabuti nga ay pinanindigan nya.”  sabi ng abogado

 

 

“Oo nga po at pakisabi na lang po sa Boss nyo na e-exempted na lamang namin siya sa rule-ling ng paaralan basta mag-promise po sana siya na ililihim ang pagiging batang ama nito dahil ayaw namin na may magrereklamo sa amin.” sabi ng presedente ng paaralan

 

 

“Makakaasa kayo Sir na walang makaka-alam nito.”

 

 

Ka-klase ni Noel noon pang elementarya si Maricel. Pinagkasundo na sila ng kanilang mga magulang simulat-simula pa kaya’t hindi na sila napapaghiwalay. Sila na ang magkalaro sa bahay-bahayan na kalaunan nga ay naging totohanan na ito.

 

 

Sobrang kaligayahan  ang nadama ng kanilang magulang ng ibalita ni Maricel sa kanila na buntis siya at si Edgardo ang magiging ama.  Kahit 17 taong gulang pa lamang sila ay agad isina-ayos  ng mga magulang ang mabilisang kasalan. Naging maayos naman ang lahat dahil mahal na mahal naman nila ang isa’t isa.

 

 

May sarili na din silang bahay na regalo ng mga magulang ng lalake at ang mga gamit naman duon ay magulang ng babae ang gumastos. Ayos talaga! Kahit konting problema ay walang dumating maliban sa minsanang pagtatampuhan ng mag-asawa. Madali naman ma-resolba iyon dahil sa mga tsismosang katulong nila na agad ipinagbibigay sa kanilang kanya-kanyang mga magulang ang nangyayari. Minsan nga ay medyo naging mahirap maresolba dahil ‘di alam kung sino ang may tama at mali ng mabasag ni Maricel ang flower base na hawak nito dahil naman sa pang-gugulat ng asawa. Nag umpisa na ang pagtatalo ng bawat isa kayat kinabukasan ay maybit-bit ng tig-isang marriage counselor ang bawat panig. Nagkatawanan at siya na ring naging daan ng mabilis na pagka-areglo ng tampuhan.

 

 

Tumigil na noon sa pag-aaral si Maricel ng magpakasal sila. Sang ayon naman dito ang asawa dahil mas maa-alagaan nito ang kanilang magiging baby. Si Edgardo naman ay patuloy na pinagbuti ang pag-aaral lalo’t may roon na siyang dalawang inpirasyon sa mga pagkamit ng mga pangarap nitong maging ganap na doctor.

 

 

Hindi naman niya kailangang magtrabaho dahil malaki ang negosyo nila na isang pagawaan ng asukal sa Negros. Minana iyon ng kanyang Ina sa Papa nito ng mamatay. Patuloy lang ang allowance nila na galing sa negosyong iyon at malaki pa nga ang labis kaya’t nakakaipon pa rin sa bangko.

 

 

May kalakihan naman ang kanilang bahay na nahahati sa apat na kuwarto. Ang pinakamalaki ay ang masters bedroom at sunod ay guest room na tinutulugan kapag dumadalaw ang magulang ng mga ito, sumunod ay kay baby Joan na kasama duon ang sariling yaya, at ang huli ay ginawa niyang study room na naandoon din ang gamit sa musika tulad ng piyano at gitara. Pinaghalo na niya ang music sa study room. Sa

sala naman ay mapapansin ang napakalaking kabinet na puno ng ibat-ibang mga libro. Nagmukha tuloy isang maliit na library ang sala.

 

 

Masasabing mayroong masayang pamilya si Edgardo kahit  paminsan-minsan ay mayroong mga pagtatalo sa kanilang mag-asawa. Normal lang naman daw iyon sabi ng kanilang mga magulang nila. Ganoon naman ang kanilang mga magulang at parating positibo sa lahat. Minsan nga ay binato ng pinggan ni Maricel ang asawa at ikinasugat ng noo nito. Dumugo at dinala pa ito sa hospital para ma-isara ang pumutok na noo. Normal pa din daw iyon sabi ng kanyang ama’t ina. Inalok kung gusto nilang umattend ng seminar sa isa muling Marriage Counselor. Ngunit tumanggi ito at sinabi na ‘di na bale daw at magbabati na lamang sila kaysa makinig sa kakadaldal ni Mrs. Bolar. Nagtawanan muli!

 

 

Masayang masaya ang lahat ng makapasa si Noel sa Scholarship Examination ngunit kabaligtaran naman ni Maricel sapagkat mami-miss daw niya ang asawa. Wala na siyang aawayin kapag nagta-tantrums ito at

yayakapin kapag naglalambing siya. Magkakahiwalay sila ng matagal, ilang araw, ilang buwan at minsan lang sa isang taon. Iyak ang siguaradong ipapabaon sa pag-alis ng asawa nito.

 

“Bawal ang tumingin sa chicks Mr. Edgardo!” bilin nito

 

 

“’di mo ba nabasa ang kontrata, number 1 bawal iyon…”

 

 

Panibagong buhay ang hinaharap ni Edgardo sa pag-alis nito…. talagang bago dahil wala na sa tabi niya si Maricel na kasa-kasama na niya simula’t simula pa.

 

 

III. Professor Dean

 

 

Matandang binata si Professor Dean na siyang nag-interview sa mga gustong mag-eksamen na estudyante para sa gagawing Scholarship Program ng Paaralan. Puti na ang buhok nito na halatang napabayaan na. Bakit ba kelangan pa nga bang magpa-gwapo eh matanda na naman siya at walang asawa. Nasa mahigit sengkwenta na nga naman ang edad niya.

 

 

Mahigpit itong si Professor Dean.  Ayaw na ayaw nya ng mga estudyanteng nagtsitsismisan at agad na pinapatawag sa office kapag may namataan siya. Wala ng paliwanag pa at agad binibigyan ng deciplinary action kaya’ bibihira ang mga tumatambay sa koridor. Sabagay ay maganda naman ang naging bunga nito at nai-iwasan din ang pagiging close ng mag-aaral para maging mag-nobyo. Siya ang nagpanukala noon na ipagbabawal na ang may ka-relasyon sa mag-aaral. Noong una ay pinagtatawanan ang batas na ito ngunit pinakita niyang seryoso siya dito. Nang may mahuli noong dalawang estudyante na magnobyo sa pamamagitan ng patagong mga liham ay agad niyang ginawan ng paraan upang mapatalsik ang mga ito. Simula noon madami na ang natakot sa batas na iyon.

 

 

Marami ding sekreto itong si Professor Dean na tinatago tulad ng dahilan kung bakit wala siya sa hospital at mas-pinili pa nito ang pamumuno sa eskwelahan. Wala namang naghangad na hanapin ang kasagutan dahil sa takot at alam nila kung ano ang kayang gawin nito. Marami kasi ang nakakapansin na parating bigating mga tao ang humahanap kay professor.  Tulad ng isang tawag na nasagot ng tsismosang sekretarya ng principal “Hello, this is Senator Santos and i want to speak to Professor Dean please!” sabi ng nasa telepono…. “hoy, hindi mo ako maloloko ano” sabay bagsak ng telepono sa kausap. Kinabukasan ay tanggal na ang tsismosang secretary at kumalat ang tsismis na totoo nga na si Senator iyon.

 

 

Marami din ang nagtataka at hindi makaintindi kung saan nangagaling na ahensya ng gobyerno ang budget na ginagamit sa paaralan. Si Professor Dean lamang ang pinaghihinalaan ng lahat na nakakaalam ng kung saang account galing ang pondo dito.

 

 

Marami pang mga katanungan tungkol kay Professor Dean ang dapat nilang malaman. Sa pagbubukas ng klase sa susunod na araw ay baka malaman na iyon ng mga bagong estudyante…

 

 

 

itutuloy…..

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: